Mizoram-a FCS&CA Kudam zawng zawnga hman tur Digital Weighing Scale (DWS) khuhhawn a ni

Zonuna Kawlni /

Mizoram-a FCS&CA Kudam zawng zawnga hman tur Digital Weighing Scale (DWS) khuhhawnna chu nimin khan Aizawl-a Govt. Muanna Godown (GMG)-ah neih a ni a, Saitual, Khawzawl leh Champhai District-a hman tur DWS chu FCS&CA Minister B. Lalchhanzova chuan a vailiam nghal bawk.

Weighing Scale (DWS) thar 112 te khuhhawnna hunah hian FCS&CA Minister B. Lalchhanzova chuan FCS&CA Kudam zawng zawnga Digital Weighing Scale hman a ni tur chu lawmawm a tih thu sawiin, mipuite’n sawrkara rinna an nghah theihna tura hmanraw tangkai tak a nih thu a sawi a. FCS&CA Department chu thla tina mipui mamawh petu an nih avangin dik tak leh rinawm taka hna an thawh a pawimawh thu a sawi a, an hnathawhna apiangah hnuhma tha an hnutchhiah a pawimawh thu a sawi bawk a. Aizawl East leh Aizawl West DCSO Office tur MINECO-ah sak a nih dawn thu pawh sawiin, tun dinhmunah hian FCS&CA chuan mipuite ngaihngam taka an awm theihna tur khawp buhfai kudam-ah an chhekkhawl thu a tarlang bawk.

Digital Weighing Scale (platform type) leina tur hian sawrkar atangin cheng nuai 86 hmuh a ni a. Original Equipment Manufacturer (OEM) hnen atanga direct-a lei niin Tender chhangtu Company 4 atangin Weightex Scales, Haryana-te thlan an ni a. DWS hi District hrang hranga FCS&CA Kudam zawng zawnga hman turin 112 lei a ni a, tum khatah quintal 25-a rit a buk theih a ni. August 29, 2025 khan Haryana-a Weightex Scales Factory atanga rawn phurh chhoh niin September 11, 2025 khan GMG, Muanna Veng, Aizawl rawn phurh thlen vek a ni a. Company Technician-te’n September 19 khan GMG-ah remkhawmin Legal Metrology lamin Digital Weighing Scale-te calibrate hna an thawk nghal a. District 3 - Saitual, Khawzawl leh Champhai-a FCS&CA Kudam hrang hrang a hman tur remkhawm sa leh calibrate sa DWS 35 te chu Minister hian vailiamin phurhchhuah nghal a ni a. Remkhawm leh calibrate hna hi tih chhoh zel niin Kudam zawng zawngah a rang lama hman tura dah vek a ni ang.

Nimin-a hemi puala hun hman hi FCS&CA Department-a Addl. Secretary, Andrew H. Vanlaldika chuan kaihruaiin Victor Lalawmpuia, Joint Director, FCS&CA hnen atangin report ngaihthlak a ni a, FCS&CA Director Saizikpuii CA chuan lawmthu sawiin hun a khar a ni.  He huna tarlan a nih danin October 7, 2025 thleng khan GMG, Muanna Veng-ah hian buhfai quintal 33075.76 leh Chini quintal 208.94 chhekkhawl a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »