Sawrkar laipui in ‘One Nation, One Election’ a pawm

Sawrkar laipui chuan High Level Committee ten rampumah inthlanpui a ruala neih tura rawtna a siam, ‘One Nation, One Election’ chu a pawm ta. Nimin khan New Delhi-ah hemi chungchang chanchinbumite hmaah Union Information and Broadcasting Minister Ashwini Vaishnaw chuan sawiin, President hlui Ram Nath Kovind-a kaihhruaia High-Level Committee din chuan hun rei tak chhung ngaihtuahin a kaihhnawih mi hrang hrangte an kawm a. Heng zingah hian Political Party leh mithiamte pawh rawn an ni tih a sawi a. One Nation One Election hi thawh hniha neih tur a ni a. A thawhkhatnaah hian Lok Sabha leh Assembly inthlan a ruala neih a ni anga, Local Body Election Panchayat leh Municipality te chu ni 100 chhunga neih leh tur a ni ang.