Kolasib DC in Quarry neitute a kawm

Kolasib District Bawrhsap Robert C. Lalhmangaiha chuan nimin khan SDO (C) Kawnpui Mini Conference Hall-ah Kawnpui leh Kolasib inkar kawngpui kama Lung Quarry neitute kawmin National Highway humhalhna leh enkawlna chu Dan hnuaia awm a nih thu sawiin, lung Quarry enkawltu leh neitute chuan Dan an zawm ngei tur a ni tih a sawi a. Hna thawh an duh a, an eizawnna a kal zel theih nan Highway leh a reserve chin chu an tihnawk thiang lo tih sawiin, Quarry bulhnai vel an thenfai loh avanga mipui harsatna tawh hrang hrang a sawi bawk.

He thutkhawm hi Kawnpui SDO (Civil) Muhammad Aaquib IAS chuan kaihruaiin karleh Nilaini (Sept. 25, 2024)-ah SDO (C) Kawnpui hovin Lung Quarry te chu a hmun enfiah tur a tih a ni a; chumi hma chuan Quarry neituten thenfai ngai zawng zawng lo thianfai tura tih an ni a. Enfiahna neih hunah Highway Reserve chin tih fiah a ni anga; chutah chuan chhinchhiahna siam a ni ang.