MPCC in an dem thu an sawi

Mizoram Pradesh Congress Commitee (MPCC) President Lal Thanzara chuan Shiv Sena MLA, Sanjay Gaikwad-a’n Rahul Gandhi-a 'lei hlep theitu' apiang hnenah cheng nuai 11 pek a tiam leh tawngkam chhe tak, tharum thawhna chawkchhuak thei zawnga a sawi chu na taka a dem thu thuchhuah siamin a tarlang a. Rahul Gandhi hian hmanni lawka USA a tlawh khan Reservation System chungchang a sawi thu sawiin, ram hruaitu ten hnam hnuaihnung zawk mi maktaduai tam tak te an enkawl dan chu a sawisel thu a sawi a. “India democracy ropui tak dikna leh hmingchhiatna humhim tura ram Dan anga Sanjay Gaikwad-a thusawi buaina cho chhuak zawng leh tawngkam mawi lo tak a hmang hi a lakah khauh taka action la turin thuneitute kan phut tlat a ni,” a ti bawk.