Sai chhuak chungchang ah mipuite hriattir

Deputy Conservator of Forest, Chhimtuipui Wildlife Division chuan Ngengpui Wildlife Sanctuary-a cheng ram Sai (wild elephant) chu Sanctuary chhevel khaw hnaihah a chhuak tih hriat a nih thu thuchhuah siama tarlangin, tun dinhmunah Mampui leh Khawmawi khaw chhehvelah a che tla mek niin a tarlang a. Lawngtlai atanga South Bungtlang inkara khaw awmte, a bik takin khualzin leh Lonei mite fimkhur tur leh chhawnchhaih/ti na lo turin a hriattir a. Sai hi an hmu emaw, a awmna chin an hria emaw anih chuan mahni khua theuh a Wildlife Guard-te a rang lama hriattir zel turin a ngen bawk.

Sai hi 'The Wildlife Protection Act, 1972' in Schedule-I hnuaiah dah a nih thu pawh he thuchhuah ah hian tarlangin, “Chhawnchhaih, tawktarh, Tur a hrai, tihnat emaw, tihhlum a khap a, he dan hi bawhchhiat a nih chuan, pawisa Rs. 25,000/- aia tlem lo leh lung In a lo berah kum 3 atanga kum 7 thleng tan theih a ni,” a ti a. Ngengpui Wildlife Sanctuary chhehvela khaw awmte chu he Sai lakah hian ngilneihna lantir tur leh an dawhtheihna leh thawhpuina a ngen nghal bawk a ni.