Zanin ah LBS Suzuki Youth Icon intihsiak dawn

LBS Suzuki Youth Icon chu zanin hian Intihsiakna neih tan a ni dawn ta. LBS Suzuki Youth Icon-ah hian Round hmasa berah hmun hrang hrang atangin mi 453 te chuan an Zai thehlutin hemi atang hian Round hmasa ber chu mi 272-in an paltlang a, zanin dar 8:00 atangin LPS Studio, Zarkawt-ah Round hnihna hi tanin an inzai siak tawh dawn a ni. LBS Suzuki Youth Icon Round hnihna hian September 10 atanga 20 thleng a awh dawn a, zan riat chhungin zan khatah mi 27 zel an zai dawn a, zan hnih dangah mi 28 ve ve zai ve lehin September 21 zanah result puan a ni ang. Round hnihna ah hian mi 30 atanga 40 tling tura ruahman a ni a, LPS Studio-ah tho September 25 atanga 27 chhung intihsiak zui lehin a thiam 10 thlanchhuah an ni dawn a ni. Tun tumah hian Youth Icon contest hnuhnung ber (2019)-a Judge Victor Vanlalhruaia leh Rosy K. Remsangpuii bakah a vawi khat nan Andrew Laltlankima chu Judge a ni ang.