Vawk thi 15 awm belh leh

Serchhip District-ah nimin khan African Swine Fever (ASF) vanga Vawk thi 15 chhinchhiah leh a ni.
AH&Vety Department in an chhinchhiah danin nimin-a Serchhip District-a Vawk thi te hi Khumtung-ah 3, Khawlailung, Chekawn, New Serchhip North leh Dinthar-ah pahnih theuh leh Chhiahtlang, Thenzawl, Serchhip P&E Veng leh Sialsir-ah pakhat theuh te an ni a. Nimin khan Vawk suat 41 awmin Khawlailung-ah 18, Chhiahtlang-ah 10, New Serchhip South-ah 9, Sialsir khua ah pathum leh Khumtung-ah pakhat te an ni.

Heti hian nimin thleng khan Serchhip District-a khaw 31-ah kumin chhung hian ASF vangin Vawk 3163 a thi tawh a, Vawk 6353 suat ni tawh bawkin kumin a ASF hri leng hi chhungkaw 1958 in an tuar tawh a ni.