Aizawl-a thlai thar man to chhan a phurh man to vang

Mizoram Chamber of Commerce & Industries (MCCI) zirchianna a a landanin Aizawl-a thlai thar man to chhan chu a phurhna man to vang a ni.

MCCI President K. Lalhmingthanga chuan nimin khan Aizawl Press Club-ah chanchinbu mite kawmin tunhmaa thlai thar Bus a phurh thin chu Traffic tawt lutuk avangin Maxi Cab-ah phurh a ni ta a, a phurh man hi a in to hleih viau avangin thlai man pawh a to phah ta niin a sawi a ni. K Lalhmingthanga chuan kum 5 kalta atanga an zirchianna ah Hmarchapui leh Bawkbawn eikhawp Mizoram in a tharchhuak pha lo niin a sawi a, heng thlai pahnihte hi phai lam atanga lakluh anih avangin a man pawh a to hle a, hei vang hian a thar hunloh lai pawha thar thei tura hmalak theih an rin thu sawiin, Horticulture emaw Agriculture Department te hian Research nei thei se an duh thu a sawi a. Sawrkar chuan thil man to tur venna hmanrua ah Co-operative Movement hmang se an duh tih a sawi bawk.