Serchhip MNF East Block ten hruaitu tur an thlang

Zonuna Kawlni /

Serchhip East Block MNF te chuan nimin khan kum 2024-2026 chhunga hruaitu tur thlanna neiin President-ah C. Lalrinfela chu thlantlin a ni.
 Serchhip East Block MNF hruaitu tur thlanna hi nimin chawhma dar 11:30 khan Serchhip-a Mizo Hnam Run-ah neih niin MNF General Hqrs. atangin Lalawmpuia, General Secretary chuan a kaihruai a, President atan C. Lalrinfela (P&E Veng); Vice President-ah B. Vanlalngura (Veng-chung); Treasurer-ah Lalthuamliana (IOC Veng) leh NCM atan Lalzuiliana (Bazar Veng) te chu chuhtu awm lovin thlantlin an ni.

Nimin-a Serchhip East Block MNF hruaitu thlanna hun hi hun hmasa lamah Vice President nilai C. Vanlalsiamthara chuan kaihruaiin  an party hruai hna an thawh chhunga Party mipui ten an thawhpuina ah lawmthu a sawi a. Hruaitu thar an thlanchhuah te pawh thahnem ngai taka tawiawm chhunzawm zel turin Party mipuite chu a sawm a. Inthlanna neih zawh hnuah President thar C. Lalrinfela pawhin Party mipui kalkhawm te chu thawhhopui ah leh MNF tana thahnem ngai taka tawiawm turin a sawm bawk a ni. Nimin a he inthlanna ah hian Vote nei thei mi za chuang an kalkhawm a ni.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »