Hmawngkawn-ah Tropic of Cancer kalna lai rin

/

Govt. Serchhip College, Department of Geography-a 6th Semester zirlaite leh Zirtirtute chuan Zirtawpni khan Tropic of Cancer line in Serchhip District-a Hmawngkawn khua a paltlangna lai rîn in, a chhinchhiahna an tar nghal bawk.
 Govt. Serchhip College-a zirlai naupangte leh an Zirtirtute hian Tropic of Cancer in Serchhip District a paltlangna lai hre thei tur hian Handheld GPS Etrix 32x hmangin, 23°30'00" N. Latitude-ah chiah an rin thei a. Chhinchhiahna an tarna hmun hi Hmawngkawn khaw chhuah lam, Baktawng lam atanga an khaw luh tawntirh ah a ni a. Chhinchhiahna hi kawngpui thlang lamah phunin kawngpui vâng tan zawngin a paltlang dan hriat awlsam nan an rîn bawk a ni.


Heng zirlai hruaitute sawi danin Tropic of Cancer kan tih hi Equator atanga Chhim lam-a degree 23 leh a chanve a ngaihruat rin kal a ni a. June ni 21-ah Tropic of Cancer zawnah Ni (sun) chu a ding ngil (vertical) in a rawn awm anga, hei hi Summer Solstice tih niin, Lei chhim lama awm leh Tropic of Cancer paltlang ram ah chuan kum khata ni rei ber ni, Mizoten ‘Lalmanga nu Lawm rawih ni’ kan tih thin kha a ni a. Tropic of Cancer hian India ram chhungah State 8 a paltlang a, chung zingah chuan Mizoram hi kan tel ve a ni.

Comments

Post a Comment

Popular News (Last 30 Days)

Vawiin-ah HSLC result

/
Image
Mizoram Board of School Education (MB-SE) chuan kum 2024 HSLC Exam Result chu Vawiin hian a tichhuak dawn ta a, Vawiin chhun dar 12:00 hian HSLC Exam result hi tarchhuah tur niin anmahni (MBSE) pisa, Chaltlang, Aizawl-ah leh internet kaltlangin www.mbse.edu.in leh www.mbseonline.com ah te en theih a nih dawn bakah a mamawh tan result bu a lei theih dawn a. Office hun chhungin WhatsApp leh phone call hmangin Ph. No.  9863883041 leh 9863722521 te biak theih a ni dawn bawk a ni.
Kimchang zawkin »

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »