Tuikum Bial-a YMA te Oxygen Concentrator hlan

Tuikum Assembly Constituency huamchhunga YMA te leh Ngentiang leh Chhingchhip PHC tan Social Welfare Minister Er. Lalrinawma chuan Inrinni khan Formasa India Foundation kaltlangin Oxygen Concentrator a hlan.
Oxygen Concentrator hlanna puala inkhawm Aizawl Dinthar YMA Hall-a neih ah Er. Lalrinawma chuan mihring nunna chhan nan Oxygen Concentrator a pawimawh thu sawiin, chutihrual chuan to tham tak a nih avangin lei mai a awlsam loh thu leh Formosa Foundation ten a mamawhtute tan a thlawna an sem chu lawmawm a tih thu a sawi a. Mizo hnam tlem te zingah mipate an thi nasa em em mai chu a vei thu pawh sawiin, kan nunna pawt tawi thei thil tha lo lakah kan fihlim a ngaih thu a sawi bawk.


Oxygen Concentrator hlanna hun hi Formosa Foundation India Coordinator Vanlalruata Ralte chuan kaihruaiin YMA hnenah 22 hlan niin Darlawng, Tlungvel Field Veng, Tlungvel Venghlun, Tlungvel Gate Veng, Phulmawi, Khumtung, Baktawng Joint YMA, Chhuanthar, Chhingchhip, Chhiahtlang Hmar Veng, Chhiahtlang Kawn Veng, Sialhau, Thentlang, Khawbel, Lungpho, Rullam, Ngentiang, Thinglian, Hmuntha, Hualtu, Bukpui leh Chhingchhip Mualpui ten an dawng a, Ngentiang leh Chhingchhip PHC tan pakhat ve ve hlan a ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man