Mizo Welfare in Day hmang

Guwahati Mizo Welfare Association (GM-WA) chuan Inrinni khan ‘Guwahati Mizo Welfare Association Day’ chu Assam Don Bosco University Campus, Tapesia, Guwahati-ah hmangin Education Minister Lalchhandama Ralte chuan khuallian niin a hmanpui a. GMWA members ten tlawmngai taka midang tanpui hna an lo thawh thinna lawmawm a tih thu sawiin, Mizo Welfare Association a nih angin Zohnahthlak hrang hrang Guwahati a awmte lungrual taka insuihkhawmna pawl a nih theih zelna tura tan la turin kalkhawmte chu a fuih bawk.