Nghakuai khaina ah cheng nuai 19 chuang hmu

Fisheries Department-in Forest Department, Tourism, Mizoram Angling Association leh Dapchhuah YMA te puihnaa an huaihawt Tut lui-a Nghakuai khaia inelnaah ni hnih chhungin Rs. 19,39,000/- a lut.

Tut lui-a Nghakuai khai a inelna hi Zirtawpni khan Fisheries Minister K. Lalrinliana chuan hawngin Ni hnih chhung inelna hi neih niin registration ti hi an vaiin mi 2770 an ni a. Registration hi mi pakhat tan 700/- niin intihsiakna lawmman hi Inrinni khan sem a ni a, Guwahati atanga Nghakuai khai tura an nupa a lokal Dushyant Bora chu man hnem ber niin Kg. 10.970 manin lawmman pakhatna a la a, lawmman ah Rs. 10,000/- dawngin a Sangha man zinga a te ho hi a luiah a chhuah leh a ni.

Lawmman pahnihna chu Martosh, Thing-hlun chuan dawngin kg. 9.240-a rit a man a, lawmman ah Rs. 7000/- dawngin kg. 4.600 mantu Lalparmawia Hmar, Mamit chuan Rs. 5000/- a dawng bawk.