Age Group Volleyball Tournament khelh zawh a ni
New Serchhip Voleyball Court-a khelh Hmeichhia kum 19 hnuailam te tana Volleyball inelna ah hian Team 8 telin Final-ah hian Field Veng Branch YMA Thenzawl leh Vengchung Volleyball Club ten Final khelin Field Veng Branch YMA Thenzawl hian 3-0 (25-16, 25-18, 25-15) a hnehna changin an Champion a ni.
Mipa kum 17 hnuailam inelna ah Team 14 telin Zote South GSA leh Bungtlang Bazar Sporting Club te Final-ah an inhmachhawn a, Set hmasa pahnih latu Zote South GSA hian 3-2 (25-23, 25-21, 21-25, 24-26, 15-13) a hnehna chang hramin an Champion bawk a ni.
He Volleyball Tournament kharna hun hi New Serchhip North Village Council President C. Lalrotluanga chuan khuallian niin a hmanpui a, Serchhip District Sports Committee Vice Chairman K. Tlangthanmawia pawhin a hmanpui bawk a ni.
Comments
Post a Comment