Health Minister in hawng

Health Minister Dr. R. Lalthangliana chuan nimin khan NABARD (RIDF-XXVI) atanga cheng nuai 267.15 senga sak Tawipui 'S' Primary Health Centre (PHC) building thar a hawng a, Mizoram hmun hrang hrangah Hospital, PHC, Health & Wellness Centre, Sub-Centre, Clinic, Office leh thawktu Quarters engemaw zat sak zawh tawh leh sak tura tihfel tawh a awm tih a sawi a, hriselna kawnga hmasawnna chuan State pum a tuam niin a sawi bawk. Tawipui 'S' PHC building hi nikum February 1 khan sak tan niin kum hnih chhunga sak tura ruahman ni mah se kumin Feb. 15 khan sak zawh a ni a, RCC-a sak a ni. Health Minister hian nimin khan Lawngtlai District Hospital tlawh bawkin thawktute nen an inkawm nghal bawk a ni.