Aizawl-ah Dy. CM hovin ruihhlo dona ni hman a ni

/

Khawvel pum huap ruihhlo dona Ni 'International Day Against Drug Abuse and Illicit Trafficking' chu nimin khan Deputy Chief Minister Tawnluia hovin Aizawl Vanapa Hall-ah hman a ni.

Nimin-a he hun hmanna ah hian Deputy Chief Minister chuan ruihhlo laka inven hmasak chu kan tih makmawh leh a la khawih ngai lo ten an khawih ve lohna turin chhungkaw tinah bul tan turin a chah a. Kohhran, YMA leh NGO pawl hrang hrang te, Department leh mimal, ruihhlo do kawnga theihtawp chhuahtute fakawm a tih thu a sawi bakah ruihhlo do beihpui thlak nan Chief Minister Zoramthanga'n cheng vbc. 3 a sanction chu tangkai taka hman mek a nih thu a sawi bawk.

Nimin-a he hun hmanna ah hian Mizoram chhunga ruihhlo dona kawngah ruihtheih thil ti te thinhrik mai lova thahnemngai taka thawk thin te chawimawina hun hman a ni a; chawimawina dawngtu Kohhran leh pawl hrang hrang 11 te hnenah Deputy Chief Minister hian thilpek a hlan a. Ruihhlo dona kawnga pawimawh leh tangkai tur 'Handbook on Ruihhlo Do' chu khuallian hian a tlangzarh nghal bawk.

He hunah hian khual zahawm Excise Miniser Er. Lalrinawma pawhin thu a sawi bakah Mizoram Drug User Forum (MDUF) President Lalduhawma Chawngthu chuan he ni thupui behchhana thu a sawi bakah Central YMA Asst. Secretary Prof. Malsawmliana pawhin thu a sawi a, Ruihlo la ti ve lo te ven chu kan tihtur pawimawh hmasa ber a nih thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »