Aizawl Smart City Project hnuaia hmalakna thuthar thehdarhtu ten a hmunah an tlawh

/

Aizawl Smart City Limited in Smart City kum 8 a tlin pualin nimin khan Mizoram Journalist Association (MJA) Member te tan Local Media Tour an buatsaih a. He hunah hian AMC area a Aizawl Smart City Mission hnathawh hrang hrangte chu a hmunah an tlawh a ni.

MJA Member ten Aizawl khawpuia Smart City hnathawh hrang hrang zinga thenkhat an tlawhna hunah hian Aizawl Smart City Limited Chief Executive Officer (CEO) CC. Lalchhuangkima chuan Smart City hnuaiah Project hrang hrang an neih zingah 33 chu hnathawh bultan tawh a nih thu leh a bakah 8 chu thawh leh tura ruahmanna kal mek a ni tih sawiin, a vaiin Project 41 a awm a, Project zawhfel vek tawh 6 awm tawhin heng zingah hian Aizawl khawpuia kawngpui kanna, Pelican Crossing pawh a tel a ni. Smart City hi a tirah ramchhunga khawpui hrang hrangte inelna ang deuhin kalpui a ni a, kum 2017-ah kalpui tan niin kum 5 chhung Project a ni a, kumin June thlaa zawh tura tih chu nakum June thla thleng pawhsei a n.

CC Lalchhuangkima chuan Smart City hnuaia Project hrang hrang hnathawh nan cheng vbc. 500 ruahman a nih thu leh hna awm zaa 80 bultan tawh niin chak taka hmalakna kalpui a ni tih a sawi a, Aizawl khawpui tih hmasawn leh tihchangkan nan Variable Message Display chu khawpui chhunga hmun 4-ah dah niin heng hi mipuite hnena thu pawimawh puanzarna atan leh advertisement atan hman theih a ni ang.

Aizawl khawpui chhung cheimawina atana cheng vbc. 500 senna tur Project hrang hrang zingah hian hna zawh tawh Pelican Crossing, Traffic Bollards, Tourist Guidance Kiosk, Sanitary Napkin Vending Machine and Incinerator leh Reverse Vending Machine Bottle sawrna te chu mipui hman theiha chhawpchhuah a ni tawh bawk.

Nimin-a Local Media Tour-ah hian Press mi te hian cheng vbc. 3.28 senga siam Khatla-a Smart Street Project te; cheng vbc. 16.6 senna tur Multipurpose Ground, High Field Zarkawt te; cheng vbc.17.87 senna tur Durtlang Playground te; cheng vbc. 14.60 senga sak Zuangtui Indoor Stadium leh Integrated Command & Control Center (ICCC) te an tlawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »