Vawiin atangin Pen/Tool down Strike kalpui dawn

All Mizoram CSS Employees Co-Ordination Committee hmalaknain Mizoram-a CSS hnuaia thawktu hrang hrang te chuan Vawiin atanga tunkar Nilaini thleng khan lungawilohna lantirin Pen/Tool down Strike an nei dawn.

All Mizoram CSS Employee Co-ordination Committee hian sawrkar laka an thilphut hrang hrang nawrna atana kar hmasa a Badge dum an bel hnuah an hmalakna in awmzia a neih loh avangin Pen down/Tool down Strike neih hi an lo rel tawh a. Hemi chungchang ah hian Inrinni khan All Mizoram CSS Employees Co-Ordination Committee Office Bearers te hi Deputy Chief Minister leh DP&AR Officer te nen thukhawmin Deputy Chief Minister chuan CSS te tana hma an lo lak tawhna te an sawi a. Amaherawh chu All Mizoram CSS Employees Co-ordination Committee ten an phut anga Chief Minister hmuh an dilna chu remchang siam sak theih an nih loh avang leh Chief Minister hmai hma ngeia an hmuh hma chuan an hmachhawp Pen/Tool down Strike kaltlangpui an tum thu an sawi avangin Vawiin atanga Nilaini thleng khian lung-awlohna hi an lantir leh dawn ta a ni. All Mizoram CSS Employees Co-Ordination Committee chuan an kal zel dan tur chu Chief Minister an hmuh hnuah emaw, Chief Minister an hmu theilo a nih pawhin an la ngaihtuah tur thu an sawi a ni.

He nawrhna hi Serchhip District-a CSS hnuaia thawktu hrang hrangte pawhin an thlawp leh dawn a ni.