President's Rule dah mai tha zawka hriat thu sawi

/

Mizoram Lok Sabha MP C. Lalrosanga chuan Union Home Minister hova thutkhawm neih ah Manipur chu Preident's Rule a dah mai tha zawka a hriat thu a sawi.

Union Home Minister Amit Shah chuan Inrinni (June 24, 2023) tlai khan New Delhi-ah All Party Meeting kovin Political Party hrang hrang aiawh te leh hruaitu ten Manipur buaina chinfel dan turte an sawiho a. He hunah hian Mizoram Lok Sabha MP C. Lalrosanga chuan Manipur buaina tuartute tuamdam leh inremna boruak siam tura theihtawp chhuah a tul rualin buaina chhuahna chhan bul tak haichhuah a ngai tih sawiin, “An ram leilung nena inkungkaih an buaina bulpui chinfel a ngai a ni,” a ti a. Manipur a sawrkar in Vawiin thlengin thil awmdan an chinfel zawh loh avang leh an hlawhchham avangin an rorelna tihtawp sak a President's Rule-a dah mai a tha zawka a rin thu a sawi a. Inrelbawlna hrang siam ngiatna te pawh a awm thu sawiin, hemi chung-chang hi uluk taka ngaihtuah a ngai tih a sawi bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »