SASCI Scheme hnuaiah Serchhip District-ah kum 2022-2023 atan cheng nuai 1896 ruahman a ni
RTI Act hmanga zawhna tunhnaia PWD Serchhip Division-a SPIO in a chhanna atanga a lan danin SASCI Scheme hnuaiah hian kum 2022-2023 chhung hian Serchhip District tan hnathawhna tura ruahman PWD Serchhip Division bikah cheng nuai 1896 a awm a, heng te hi Improvement of Existing road Artahkawn - Biate-Tuipui road within Serchhip District hnuaiah hna pathum, cheng nuai 658.93 senna tur Strengthening of Chekawn - Artahkawn te; cheng nuai 26,274 senna tur Retaining Wall leh cheng nuai 28.78 senna tur Pothole filling and path repair of Biate -Tuipui Road te niin heng hna pathum-ah hian Contractor hrang theuh hna pek an ni a, he hna hi zawhfel ala ni lo a. Hei bakah hian cheng nuai 295 ruahman hmangin Construction of S.Chawngtui - N.Vanlaiphai Road thawh tura ruahman niin Contractor mi pakhat rawih a ni a, hei pawh hi zawhfel la ni lovin hna lian a nih avanga thawh hun chhung a rei avangin zawhfel ala nih loh thu leh sum hi Lapse thei a ni lo tih tarlan a ni.
Construction of Strenthening of double lane BUGS bridge Over R.Tuichang hnuaiah cheng nuai 259 leh cheng nuai 84 hmangin hna pahnih thawh niin heng te hi MS. Sadguru Engineer and Allied servises Pvt. Ltd. leh NPEC Cosultancy Services ten thawkin zawhfel a ni tawh a. Construction of Pavement, Retaining Wall, Culverts and Balconey at Serchhip Internal Road tih hnuaiah Departmental in cheng nuai 269 in hna chi hrang hrang 36 thawh a ni a, heng te hi zawhfel a ni tawh a ni.
SASCI hnuaiah hian cheng nuai 250 sengin Construction of Economic Road at Tuikum in Mizoram for the year 2022-2023 chu Tuikum bial chhung khaw hrang hrangah thawh a nih thu chhanna ah hian tarlan a ni a, hemi hnuaiah hian he hna hi hlawm 19-ah then niin hnathawk tur mi 4 thlan an ni a, hna nei tam berin hna 6 neiin midang pahnih in hna 5 ve ve leh midang pakhat in hna 3 an nei a, zawhfel a ni tawh bawk a ni.
Comments
Post a Comment