Bio-Fertilizer semchhuak

/

Block Agriculture Officer (BAO) Office East Lungdar leh Serchhip-a Pui Pui Enterprise te tangkawp chuan nimin khan BAO East Lungdar hnuaia Che Zau, Khawlailung-ah Bio-Fertilizer an sem.
 Loneitute hnena leitha (Bio-Fertilizer) semna hunah hian East Lungdar BAO R. Lalrinawma chuan Bio-Fertilizers zing a mi Vesicular Arbascular Michorizae Fungi (Mukta power) tangkaina leh a hman dan te chu loneitute leh kuthnathawktu te a zirtir a, loneitu kalkhawmte hnenah hian Pui Pui Enterprise chuan Bio-Fertilizer hi a thlawnin an sem nghal a ni. He hunah hian Pui Pui Enterprise neitu Lalawmpuia Renthlei (Serchhip Zion Veng) chuan Serchhip District chhunga Buh thar a hlawk theih nan leh loneitu ten Bio-Fertilizer thatna an hriat theih nan a remchan dan anga Bio-Fertilizer hi a thlawna Serchhip District-a semna kalpui zel an tum thu a sawi bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »