Nawrh vangin harsatna thleng

Mizoram-a Centrally Sponsored Scheme (CSS) hnuaia thawktu pawl hrang hrang ten an thilphut nawr nana nimin-a Pen down/ Tool down Strike an neih avangin Serchhip-a sawrkar Pisa thenkhat ah harsatna a thleng.

Mizoram puma CSS hnathawk ten nawrhna an huaihawt hi Ser-chhip-ah pawh Department hrang hranga CSS a thawk ten an thlawp a, Health Department chu a nghawng nat te zingah telin Hospital-a Nurse te chuan an indaihloh phah thu leh ni khat-a Duty hmun thum-a then thin chu hmun hnih ah then a nih thu an sawi a. OPD thenkhat pawh mipuite tan dawr theih ni lovin CMO Office lamah pawh Report pek thenkhat chu a khaihlak nia thudawn a ni.

Education Department lamah Samagra hnuaia thawk, CSS Employee engemaw zat an awm avangin Samagra DPC Office-ah hna kallai a khaihlak bakah zirna In lamah Zirtirtu engemaw zat an nuar a. DIET Serchhip-a thawk zingah CSS hnuaia mi ten nawrh hi zawmin Session thar atana Admission tih tum thenkhat ten harsatna an tawk nia thudawn a ni bawk.