Dawrkai te bungraw unload theih hun siamthat a ni

Serchhip khawpui lunlai-a dawr bungrua (hardware) hlanthlak (unload) theih hun chu siamthat a ni.

Hemi chungchanga nimin June 27, 2023-a a Serchhip SP Vanlalnghenga MPS in thuchhuah siama a tarlan danin, hemi chungchanga May 10, 2023-a thuchhuah lo siam tawh chu Serchhip Kawnpui North VCP leh Serchhip Kawnpui North Branch YMA President bakah Chamber of Commerce Serchhip Member te leh Hardware dawr neitute nen sawiho a nih hnuah tih danglam a ni a. Hemi ang hian AOC Veng leh Bazar Area-ah dawr bungrua (hardware) phur ten an dawr bungraw phurhte chu nipui (March-October) chhungin tlai dar 5:30 atanga a tuk zing dar 08:00 inkarah an bungraw phurh te an unload tur a ni a, Thlasik (November-February) chhungin tlai dar 04:30 atanga a tuk zing dar 08:00 inkarah an bungraw phurhte an unload tur a ni ang. Zan lama bungraw unload anih chhung hian a bul vela midang te tana hnawksak leh thawm bengcheng, ri dang siam loh tur a nih thu pawh thuchhuah ah hian tarlan niin he thupek hi June 27, 2023 atangin thu leh awm hma chu hman tur a ni a, he thupek hian Emergency thila Duty, Law & Order duty leh chhiatna thlenga Emergency Duty te a huam lo ang.