Serchhip-ah YMA Chess Tournament khelh tan a ni
Inter-Branch YMA Team Chess Tournament hi Serchhip Sub-Hqrs. YMA Conference Hall-ah khelh niin Tournament hawngtu Serchhip Sub-Hqrs. YMA President Kawlthuama chuan Serchhip District Chess Association te leh YMA ten thawhhona tha tak neia Chess-a inelna an buatsaih thei chu lawmawm a tih thu sawiin, tun tum hi an buatsaih hmasak ber a nih thu a sawi a. Nikum lamah Football inelna neih a nih tawh thu leh kumin hian Volleyball inelna nei tura ruahmanna a awm mek thu sawiin, heng inelna hrang hrang kan neih te hi min ti pumkhattu leh thawhhona tha siamtu ni se a duh thu a sawi leh chu chuan khawtlang rilru hrisel a siam ngei a beisei thu sawiin he Tournament hi a hawng a ni.
He Tournament hawnna hun Serchhip Sub-Hqrs. YMA Sports and Recreation Committee Chairman Kaptluanga kaihhruai a neih ah hian Serchhip District Sports Committee (SDSC) Vice Chairman K. Tlangthanmawia chuan hetianga YMA te nen Tournament buatsaih a ni chu lawmawm a tih thu leh District Chess Association chu SDSC hnuaia Association hma la tha ber te zinga mi an nih thu a sawi a. SDCA Secretary Lalrinawma chuan he Tournament buatsaihna atan hian Bialtu MLA atangin Rs. 40,000/- bakah Serchhip District Sports Committee leh Mizoram Chess Association atangin Rs. 10,000/- ve ve an hmuh thu a sawi bawk.
.jpeg)
Inter-Branch YMA Team Chess Tournament-ah hian Team 17 an tel a, Serchhip khaw pawn atangin Khawlailung Branch YMA te telin Team pakhat ah hian mi 4 tal tel tur a ni a, Vawiin hian khel chhunzawmin zawhfel hman tura rua-hman a ni.
Comments
Post a Comment