MADS Annual Art Workshop cum Seminar nei

Information & Public Relations (I&PR) Department leh Mizoram Art Development Society (MADS) tangkawp buatsaih ‘MADS Annual Art Workshop cum Seminar’ chu nimin khan Aizawl Art Gallery-ah neih tan niin I&PR Joint Director F. Lalfakzuala chuan a hawng a, DIPR chu Arts lama Nodal Agency an nih angin MADS te tan kum khat budget-ah cheng nuai 20 an dah thu leh hei hian Mizote zinga Art lamah thiamna bik neite a chawikanna tur a nih thu a sawi. Tun thla ni 30 thleng awh tur Art Workshop cum Seminar-ah hian lemziak thiam mi 64 an tel dawn a, nimin chawhnu lama Seminar neih ah Sculpting leh Painting chungchang inhrilhhriatna hun hman nghal a ni.