LMC Board of Councillors Meeting hmasa ber nei

Lunglei Municipal Council (LMC) Board of Councillors Meeting hmasa ber chu nimin khan neih a ni.

LMC Board of Councillors Meeting-ah hian kum 2023 atanga 2024 chhunga LMC hnalakna tur engemaw zat pawm niin, UD&PA Department enkawl Lunglei-a Solid Waste Management Centre chu a nih tur anga kalpui a la nih loh bakah Solid Waste Management Centre pakhat ringawt chu hun lokal zel turah Lunglei khawpui tan a tawk dawn lo tiin hmun pali-ah Solid Waste Management Centre changtlung zawk din tura hmalak nise an ti a. Lunglei khawpui chhim leh hmar lamah Truck Terminal buatsaih tum nise tih te, LMC huamchhunga hmun pawimawh enkawl that leh cheibawl that, Uban Local Body Fund atangin Rain Water Harvesting Project siam, LMC Complex nei tura hmalak, Mizoram Municipalities Rules & Act hmanga a theih chin chinah LMC chhunga hmalak leh hemi hma hian Draft Lunglei Municipal Council Rules/ By Laws siam hmasak nise tih leh thil pawimawh dangte an pawm a, heng te hi Mizoram Sawrkara Cabinet Meeting pawmpui turin chipchiar zawka thehluh a ni ang.