Aizawl East-II ka tlanchhiat san lo - RRR-a

Aizawl East-II bialtu MLA Robert Romawia Royte chuan, “Aizawl East-II ka tlanchhiat san lova, MNF Candidate tan ka rochun zawk a ni,” a ti.

Aizawl Mizo Hnam Run-a Chhung Inkhawm nimin-a neih ah Robert Romawia Royte chuan Aizawl East-II bial a tlanchhiat san a nih loh thu leh a hnunga MNF Candidate tan a rochun zawk thusawiin, “Kan Nomination Committee ten MNF Candidate tur uluk takin an rawn thlang ang tih ka ring a. East-II bial-ah hian hneh takin a tling ang tih ka ring,” a ti a. A dinna tur Hachhek bial mipuiten ramri leh hard area-a awm an nih avangin Ruling party bialtu neih an chak ve tawh tih sawiin, “Aizawl East-II ai chuan bial a hahthlak dawn tih pawh ka hria a, Politics-a ka luh hian khawi bial-ah pawh ding turin ka inpeihsa hrim hrim a ni,” a ti bawk.