Health Minister in Lunglei-a LMC Office a tlawh

/

Health Minister Dr. R Lalthangliana chuan nimin khan Lunglei Municipal Council (LMC) Office tlawhin, Councillor te chu Lunglei khawpui an enkawlna kawngah hmathlir thui tak nei turin a chah.

Health Minister hi LMC Chairman Lalzuithanga, CEO H. Lalhmingthanga leh Councillor dangten an lo dawngsawng a, Dr. R. Lalthangliana chuan LMC a taka a ding thei ta chu hmasawnna ropui tak a nih thu sawiin, LMC Councillor tharte chu a lawmpui takzet thu a sawi a. Lunglei khawpui an enkawlna kawngah hmathlir thui tak nei tur leh India rama Municipal Corporation/Council-te hnathawh dan leh kalpung tha te zirchianga, Lunglei khawpui mila Regulations-te uluk taka duang turin a chah bawk. He hunah hian LMC Chairman Lalzuithanga chuan Lunglei khawpui enkawlna kawnga Regulations hrang hrangte chu uluk taka an duang mek thu leh Vawiin hian LMC Board of Councillors Meeting hmasa ber an neih dawn thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »