Sailulak khuaa Sial vulh te Chinghnia in bei leh

Serchhip District chhung Sailulak khuaa an Sial vulh te chu tunhnai khan Chinghnia in sehin Sial hi 10 chuang a seh tawh nia thudawn a ni.

Thudawnna in a tarlan danin Sailulak khua ah hian chhungkaw 46 chuan Sial hi vulhin December atanga March thla thleng velin Sial hian no an nei thin a, heng te hi Chinghnia te hian rawn bei thinin kumin hian sa in a beih Se ruang 10 hmuh a ni tawh a, hmuh loh te pawh a awm rin a ni bawk a, Chinghnia hian Se no chauh ni lovin a lian tawh deuh te pawh an seh a, amaherawh chu an seh zinga a tam ber erawh a no an ni hlawm.

Sailulak khua hian kum 2020 hmalam kha chuan an Sial vulh ah sa avanga harsatna hi an tawh lem loh thu sawiin, an Sial te pawh a pun chak thu leh kum 2020 hnu lamah erawh kumtin harsatna an tawh thu hi an sawi a, an harsatna hi sawrkar-a Forest Department lamah pawh thlenin a remchan angin zangnadawmna te pawh pek an lo ni tawh nia thudawn a ni a, a chang chuan Chinghnia in an Sial a seh tur veng hian Se vulhtute pawh an thawkchhuak thin a, an Sial vulhte beitu Chinghnia hi 7 bawr vel nia hriat a ni bawk.