Hunthar lei tlahniam-a hnathawh mek enfiah

Aizawl Hunthar Veng a lei tlahniam siamthat mek chu nimin khan Disaster Management and Rehabilitation Minister Lalchamliana chuan a hmunah kalin a enfiah.

DM&R Minister chuan helai lei tlahniam hi kum 1990 vel atangin zawi zawi-a che in kum 2016 bawr vel, sawrkar hmasa hunlai in DM&R Department chuan Project a siam tawh thu a sawi a. Kum 2017-ah siamthatna awm lehin,Phai atangin Technical mi te pawh lokal in hma engemaw chen lak a nih thu a sawi a. Kum 2018-ah Chief Minister Zoramthanga'n hma lain, NDMA-ah amah ngei a kal thu leh Central lam mithiam Technical mi pathum ten tlawh lehin NDMA in cheng vcb. 20.8 a lo sanction thu leh Centre leh State share 50:50 a inrem siam a nih hnuah hna thawh a nih thu a sawi a. Helai hmun Top Soil a rih piah lamah luikawr lam atanga tawlh tawh a ni avangin thlanglam atanga dawm tel loh chuan chunglam ringawt chu a fel an rin loh thu leh kawngpui NH-54 chunglam zawng chu DM&R Department hmalakna in Pile foundation leh SDA sak te, Drainage, Retaining Wall, Shaft Well siam leh a dangte thawh a lo nih tak thu a sawi a. A bak hmalak zelna tur pawimawh te pawh a enfiah nghal bawk a ni.