School Uniform tur rawtna siam a ni

Mizoram chhunga sawrkar School zawng zawngte tana School Uniform inang tlang (Common School Uniform) neih rawtna bawhzuina kalzelah ruahmanna siam chhin a ni ta.

Common School Uniform chungchang ah hian tunhnaia School Education Director kaihhruaina hnuaia Zirtirtu pawl hrang hrang aiawhte kalkhawm chuan duhthlanna an siam a, hemi ang hian Primary School-ah Kekawrtlawn leh pawnfen dumpawl (dark blue), Kamis var ban bul chu thlan niin Middle School-ah Kekawrtlawn leh pawnfen Light Grey leh kamis var ban bul thlan niin High School leh Higher Secondary School-ah te kekawrtlawn leh pawnfen dum, Kamis var ban tlawn te a ni thung. Primary School atanga Higher Secondary School thleng hian T-Shirt, School Bag leh Badge-te chu School te duhthlan ang ni tura ruahman a ni bawk.

He thutlukna hi mSchool Education Director chuan Under Secretary, School Education-ah a thawn a, Education Minister hovin rawtna hi enho leh a ni ang. He inrawnkhawmna ah hian Zirtirtu pawl- MPSTA, MSTA, MSSTA, HISSLAM, MWETA leh MISA te an tel a ni.

Comments

Popular News (Last 30 Days)

LPG man bithliah thar