Tualchhung siam Wine man ah Zu man tello tih sawi

Aizawl Millennium Centre-a Grape Wine zuartute atanga tualchhung siam Wine manna ah Zu man tel a ni lo tih Millennium Centre-a dawrkar inzawmkhawl pawl chuan an sawi a. Grape wine an man hi sawrkarin a pelet dawn lo a nih chuan a man hu zangnadawmna pe tura an phut thu an sawi bawk.

Millennium Centre Dawrkai Association chuan thuchhuah siamin May 27-a Excise & Narcotics Department-in zu an check-na lama Millennium Centre chhunga Gape Wine leh Mizoram tharchhuah Wine dang an man tel chu pawi a tih thu a sawi a ni. Sawrkar leh Grape chingtute lam ten in hriatthiamna kara thlamuang taka an eizawnna an kalpui laia, an thil zawrhlai zawng zawng man sak vek an ni chu pawi an tih thu sawiin Millennium Centre Dawrkai Association chuan, sawrkar hian pelet leh se an duh thu leh an pe let lo a nih pawhin an man sak ang hu tal zangnadawmna pe ngei se tih chu an duhdan a ni tih an sawi a. “Millennium Centre-a Grape Wine zuarte atang hian sawrkar duh loh leh phal loh, Zu man tel a ni lo a. Kan member-ten eizawnna bera an hman man sak vek an nih takah chuan sawrkar hian chem loin an lu an laksak a ni ngawt a, an mangang takzet a ni,” an ti a ni.

Sawrkarin Mizoram-a tharchhuah hi zawrh a phal dawn lo a nih chuan an hralh zawh hma chu nghakin emaw, huntiam an siamsak ngei turah an ngaiin an beiseipui tih pawh an thuchhuah ah chuan sawiin, “Hetiang ngawt hian sawrkar hian ram mipui, kuthnathawkte thar-chhuah, Grape Wine an mante hi man hlensakin, kuthnathawktute a timangang tak tak duhin kan ring lo a. An man sak hi a pe let leh hram se, a pe let ta lo a nih pawhin a mansak man hu zangnadawmna angin chhawmdawlna pe ngei se tih hi kan duhdan a ni,” an ti bawk.

Comments

Popular News (Last 30 Days)

LPG man bithliah thar