COVID-19 hri kai enkawllai mi 93 awm mek

Niminpiah khan Mizoram-ah COVID-19 hri kai mi 15 hmuh belh niin nimin khan hri kai mi 16 te enkawl dam an ni thung a, nimin tlai thleng khan Mizoram-ah COVID-19 hri kai enkawllai mi 93 an awm.

Niminpiah khan Mizoram-ah Sample 271 enfiah leh niin heng atang hian COVID-19 hri kai mi 15 hmuhchhuah an ni a, Sample enfiah atanga chhutin za zela 5.54 te chuan hri an kai a ni. Heng COVID-19 hri kai hmuhchhuah zinga mi 13 te hi Rapid Antigen Test hmanga Sample enfiah 263 atanga hmuh te an ni a, Aizawl District-ah 6, Mamit District-ah 3, Lunglei District-ah 2 leh Khawzawl leh Saitual District-ah mi pakhat ve ve te an ni. Heng bakah hian ZMC-a RT-PCR Laboratory-ah Sample 3 enfiah niin hri kai mi pahnih hmuh an ni a, ZMC-a Hostel-a awmlai te niin District 3-a TrueNat Laboratory-ah Sample 5 enfiah niin hri kai hmuh an awmlo thung a ni.

Nimin khan Mizoram-ah COVID-19 hri kai enkawl dam mi 16 an awm leh bawk a, heti hian nimin tlai dar 5:00 thleng khan Mizoram a COVID-19 hri kai hmuhchhuah tawh chu 2,28,449 niin an zingah hian 2,27,656 te chu enkawl dam an ni tawh a, hri kai hmuh atanga chhutin za zela 99.65 te chu enkawl dam an ni tawh a, hri kai enkawllai mi 93 la awmin hri kai zingah mi 700 an boral tawh a ni.

Nimin tlai thleng khan Mizoram District 11 zingah Siaha, Champhai, Kolasib, Lawngtlai leh Hnahthial District-ah hri kai enkawllai an awm tawh lova, Aizawl leh Mamit District-ah hri kai enkawllai mi 23 ve ve la awmin Lunglei District-ah 19, Saitual District-ah 11, Serchhip District-ah 10 leh Khawzawl District-ah mi 7 an la awm a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man