MPSC Exam Centre tlawh

Mizoram Public Service Commission (MPSC) Member Vanlalngaihsaka, IAS (Rtd.) chuan nimin khan Champhai Vengsang-a MPSC Examination Centre, Govt. GM Higher Secondary School chu tlawhin Exam buaipuitute a kawm a, Champhai-a MPSC Exam Centre hlawhtling taka kalpui a ni chu lawmawm a tih thu a sawi a ni. He hunah hian Champhai DC James Lalrin-chhana chuan thu a sawi bakah Champhai SP Lalrinpuia Varte chuan Exam venhimna kawnga an hmalakna te a sawi a, Centre Superintendent C. Laltani chuan Exam huaihawt avanga harsatna an tawh loh thu a sawi bawk. Champhai a MPSC Exam Centre hi kum 2009 khan hman tan niin mi 500 chuang Exam theihna a ni.