AMC leh YMA thawkdun dawn

Aizawl Municipal Corporation (AMC) leh Central Young Mizo Association (Central YMA) te chu niminpiah khan Aizawl Mayor Lalrinenga Sailo Office-ah inkawmin Aizawl khawpui faina leh Tlawng lui humhalh kawngah thawhho an remti a, hemi atan hian Working Committee pawh din nghalin chak taka hmalak nghal an tum a ni. He hunah hian Aizawl khawpui leh a chhehvela leivung paihin an tuitlan ber Tlawng lui a tih bawlhhlawh nasat avangin khuahkhirh a nih theihna tura hmalak dan turte sawiho a ni a; a hmun lova bawlhhlawh paih tihtawp dan tur ngaihtuah ho a ni bawk.