Hriangtlang kawng siam dan tur sawihona neih a ni

National Highway-54 in Serchhip khawpui a helna tur kawngpui laih avanga Hriangtlang khaw panna kawng min ta helna tur kawng siam dan tur chu nimin khan Serchhip-ah District Bawrhsap hova sawiho a ni.


Serchhip by-Pass Road laih a nih hnuah Serchhip Sailiamkawn bula leimin avangin Serchhip Sailiamkawn atanga Hriang-tlang khaw panna kawng hi kawngchhuat min chhe vekin kumin April 14 atang khan lirthei eng chi mah kaltlang theihloh in a awm a, hei vang hian lirthei-a Hriangtlang kal turte chuan Dawng-zawl lamah hel ngaiin he kawng siamtha leh tur hian Serchhip District thuneitute leh sawrkar Department, NHIDCL bakah VC leh YMA te chuan hma an la nghal a. A tirah leimina bula ram nei te chu tlawmngaia an ram pe tura ngen niin zangnadawmna pek tura an beisei te an tihsan leh avangin hmalakna a tawp zui a.

Hemi hnu hian hmalak zui zel niin nimin khan he hmalakna thlirhona hi Serchhip DC Meeting Room-ah Bawrhsap Nazuk Kumar hova neih a ni a, he hunah Hriangtlang VC ten hma an lo lak tawhna angin Serchhip Chhim Veng-a mi 3 leh P&E Veng-a mi pakhat te ram kaltlangin kawngpui hi laih tura ruahmanna siam a ni a, he kawng lai tur hian NHIDCL te chu a rang lama Survey nei tura tih niin karleh lamah kawng laih hna hi thawh tan theih beisei a ni.

Hriangtlang VCP Ramsanga chuan tuna ruahmanna an siam ang chuan kawng laih thar tur hi NH. 54 Serchhip by-pass Road-a Lei an dawh mekna bul Ruatliana huan atanga peng tura tih a ni tih a sawi a, he kawng hian Sakhisih ngaw helin Sakhisih ngaw chhim lamah kawng hlui hi a pawh leh dawn tih a sawi a ni. Kawng laihna tura an lo en hmasak tawh chu a thlang lamah a dawlna siam leh nghal tul tur a nih avangin tuna ruahmanna hi mipuite tan pawh tha zawk tura an ngaih thu a sawi a, hemi atana sawrkar leh ram neitute hmalakna ah lawmthu a sawi bawk a ni.

Comments

Popular posts from this blog