IOCL in Revised Retail Selling Price a tih-chhuah angin, Mizoram chhunga LPG (Domestic & Commercial) rate chu bithliah thar leh a ni a. Hemi ang hian Vairengte tihloh Mizoram hmun dang zawngah chuan bur khat zelah kg. 14.2-a rit Domestic Cylinder chu Rs. 1094 niin kg. 19 a rit Commercial Cylinder man chu Rs. 3300 a ni anga, kg. 19-a rit Xtra TeJ chu Rs.3322 niin kg. 10-a rit Composite chu Rs. 787.50 a ni ang. Home Delivery-ah chuan Rs. 70 zel belh tur niin kg. 5 bur sem tel a nih chuan Rs. 20 zel belh tur a ni bawk ang.
