Heroin nia hriat man a ni

Nizan hmasa khan Serchhip-ah Heroin ni ngeia hriat Hawng thum (3) man a ni a, hemi kaihhnawih ah hian mi pathum man an ni bawk.
Thudawn danin CID Special Branch, District Special Branch Serchhip DEF, Sailiamkawn Check Post-a Duty Serchhip Police, 14th Assam Rifles leh Sub-Hqrs. YMA Anti-Drug Squad te chuan nizan hmasa khan Champhai atang rawn haw mi pathum te chu ringhlelin Sailiamkawn Check Post-ah lo tidingin an lirthei te an enfiah sak a, Scooter (Aerox) MZ-01X/8339-a thuhruk Heroin nia ngeia hriat Hawng thum chu an man a, hemi kaihhnawih ah hian R. Lalengmawia (47), P&E Veng Serchhip; Lalromawia (38), New Serchhip Vengthar leh Lalhriatpuia (25), Vanhne, Lunglei nia inchhalte chu manin an Scooter bakah Motor dang an hman Renault Kwid (MZ-06-A/1064) pawh an man sak nghal a, thubuai siamsak nghal an ni. Heng an ruihhlo man te hi gram 54.28-a rit niin Rs.10,85,600/- man vel nia chhut a ni.