PYD ten Vantlang tana thil tha tihna ni an hmang

United Pentecostal Church-North East India (UPC-NEI)-a thalai pawl, Pentecostal Youth Department (PYD) te chuan nimin khan Vantlang tana thil tha tihna ni hmangin hmun hrang hrangah hnatlang an nei.
PYD te hian kumdanga an lo tih tawh thin angin nimin, October 2, 2026 khan Social Work Day hi an hmang a, kumin hian Bial huapa hnatlang nei lovin Local tin ten an remchan angin hnatlang hi an nei a, PYD Serchhip te chuan nimin  zing khan Serchhip Bazar leh a chhehvel a ruihhlo ti thin te awmkhawm thinna hmun te leh Bazar leh a chhehvel-a bawlhhlawh chharfai hnatlang an nei a. Electric Veng PYD ten VC te nen tang tlangin vantlang ram thenfai hna an thawk a, New Serchhip PYD ten Futsal Gound leh a chhehvel thenfai hnatlang nei bawkin College Veng PYD te chuan Kikawn leh Bukpui inkar NH-02 kawngpui dung a bawlhhlawh chharfai hna an thawk bawk a ni.

Serchhip Dinthar Bial-a PYD te pawhin an remchan anga mahni huamchhung theuh ah hnatlang hi neiin Serchhip Dinthar PYD te chuan an huamchhunga Footpath te rawng an hnawih thar a, Bial PYD President Upa R. Lalnunmawia chuan ho in mi 23 an hnatlang a. Anni bakah hian an Bial chhunga PYD te pawhin anmahni huam-chhung theuh ah hnatlang hi an nei a ni.