Thenzawl Vengthar VC Roll ennawn hna thawk dawn
Mizoram sawrkar Rural Development and Administration Department chuan kumin September 18 khan thuchhuah siamin Thenzawl Vengthar Village Council chu a that (dissolve) a, hei vang hian he VC-ah hian by-election neih a ngai a, hemi atana inbuatsaih nan hian State Election Commission in ruahmanna a siam angin Electoral Roll ennawn hna hi thawh tur a ni a, Vawiin Oct. 5, 2026 chawhma dar 11:00 hian Draft Electoral Roll chu tarchhuah a ni ang.
Kumin September 18-a he VC thiahna thuchhuah ah hian Thenzawl Vengthar VC chu Report hrang hrang leh VC Member te Statement ngun taka zirchian a nih hnuah khawtlang enkawlna kawngah thuneihna hmansual leh thawh-hona tha an nei thei lo tih tih hriat a nih thu tarlangin, hei hi Mizoram (Village Council) Act 2025 Section 28 1 (b), (c) and (d) bawhchhiatna a nih thu a tarlang a. Hei vang hian sawrkar chuan Thenzawl Vengthar VC chu khawtlang enkawl chhunzawm zel tlak ah ngai lovin thiah a nih thu leh Serchhip-a District Local Administration Officer chu khawtlang enkawltu tur Official ruat tur leh hemi rual hian Village Council thar thlan a nih hma atan khawtlang pa rawn leh rintlak, VC Seat awmzat aia tam lo awmna ‘Advisory Committee’ thehlut turin a hriattir bawk a ni.
Kum 2025-a Village Council Inthlanpui neih ah khan Thenzawl Vengthar VC-ah hian VC Seat pathum awmin MNF chuan Seat awm zawng zawng an la vek a ni.
