Serchhip-ah Ruihhlo do kawngzawh huaihawt a ni
Central YMA in October 2, 2026-ah Mizoram-a ruihhlo dona kawngzawh neih tura ruahmanna a siam angin nimin khan Sub-Hqrs. YMA Serchhip leh Kohhran hrang hrangte hmalakna in Serchhip-ah pawh kawngzawh a ni a, Serchhip-ah chuan hmun thum-ah kawngzawh hi neih niin nimin zing khan Serchhip-a YMA Branch Area 11-a naupang leh tleirawl ten mahni Veng theuh atanga kawng zawhin Serchhip Bazar an pan khawm a, Ser-chhip Bazar-a intawhkhawmna ah hian hun hman zui a ni bawk.
Nimin zing vek khan Chhiahtlang-ah pawh Chiahtlang Kawn Veng Branch YMA leh Chhiah-tlang Chhim Veng Branch ten Ruihhlo dona kawng-zawh hi neiin Chhiahtlang Chhim Veng Volleyball Court-ah an intawhkkhawm ah he hunah hian Sub-Hqrs. YMA Serchhip President PC. Van-lalluna chuan thu a sawi a, Chhiahtlang-ah hian Zotuithiang, Hmar Veng leh Chanmari te pawhin a hranin kawngzawh hi an nei bawk a ni.
New Serchhip-a YMA Branch pali te chuan nimin chawhma dar 11:00 atang khan Ruihhlo do kawngzawh hi an nei bawk a, kawng-zawh hi New Serchhip College peng atanga tanin IOC Veng thlengin kawng hi an zawh a, he hun hi Sub-Hqrs. YMA Serchhip hruaitu ten kaihruaiin BCM New Serchhip, Presbyterian New Serchhip Bial leh New Serchhip Ruihhlo Do Committee aiawh ten thu an sawi a ni. Heng kawngzawhna hmunah hian Ruihhlo dona thuziak hrang hrang kengin ruihhlo that loh zia leh tih loh a pawimawh zia te an aupui bawk a, heng kawngzawhna hrang hrang ah hian mi sang chuang an tel a ni.
Ruihhlo do kawngzawh hi Sub-Hqrs. YMA Serchhip in an huamchhunga Branch te pawh an remchan anga lo huaihawt ve tura a tih angin hmun dangah te pawh neih a ni bawk.