Serchhip-ah District DPAC thutkhawm neih a ni

Serchhip District Programme Advisory Committee (DPAC) chu nimin khan an Chairman leh Bawrhsap, Paul L. Khuma hovin Serchhip DC Meeting Room-ah an thukhawm a, kum 2025-2026 chhunga an hmalakna tur Annual Work Plan (AWP) an sawi. He thutkhawm ah hian Ser-chhip DIET Principal Jane Vanlalmuanpuii chuan an hmalakna tura ruahmanna an neihte sawiin, Trafficking chungchangah Community Awareness neih tur a ni a. Elementary School hrang hrang 5 hnenah School Support pein, an zirna kaihhnawih atana mamawhte an pe anga. Elementary School tan vek hian District huapin Science Fest buatsaih a ni bawk ang. Heng bakah hian Pre School Teacher Education tana buatsaih Teaching Learning Material (TLM) design Competition pawh buatsaih tawh niin, endik fel tawh a nih thu a sawi a. Heng an hmachhawp te leh an hmalakna tura an chhawpte hi Committee chuan a pawmpui a ni.