Electric Scooter 15 vailiam

Police Modernization Scheme hnuai atanga lei Electric Scooter 15, Ather Company siam chu Mizoram-a Police Station hrang hrang 8 leh Aizawl Traffic Police hman turin nimin khan Mizo-ram DGP, Sharad Agarwal IPS chuan Aizawl a Police Hqrs. atangin a vailiam a, he hunah hian DGP chuan heng Electric Scooter te hi hmeichhia te himna’n leh khawtlang ralmuan zawkna atana hman tura lei a nih thu sawiin, a dawngtu ten Patrolling nan leh khawtlang ralmuanna atan tangkai taka hmang turin a chah a ni. Heng Scooter te hi Aizawl City Traffic Police hnenah pathum hlanin Aizawl Police Station, Bawngkawn Police Station, Vaivakawn Police Station leh Kulikawn Police Station-ah pahnih theuh hlan a ni a. All Women Police Station, Zonuam Outpost, Lunglei Police Station leh Champhai Police Station-ah pakhat theuh hlan an ni bawk.