Serchhip District-a PMMSY-DAJGUA Scheme kalpui dan thlirin tunkar khan Serchhip DC Meeting Hall-ah Bawrhsap Paul L. Kuma hovin thutkhawm neih a ni a, PMMSY-DAJGUA Scheme hnuaia District Fisheries Development Officer (DFDO) Office in Sangha Dil siam tur beneficiaries 25 an chhawpchhuah chu thlirho niin Sangha Dil siam diltute hi Varhva Luia Cluster te, Mualcheng, Chengkawn leh Khawlailung khua te an ni a, he Meeting hian an pawmpui a ni a, Sangha dil siamna hmun tura pawm tak zau zawng belhkhawm hi hecate 4.2-a zau niin a senso hi Sawrkar laipuiin 81%, State in 9% leh a dawngtu beneficiary ten 10 % an tum dawn a ni.
He thutkhawm ah hian Bawrhsap Paul L. Khuma chuan PMMSY-DAJGUA hnuaia hnate hi tha tak leh sawt zawka a kal theih nan Department hrang hrangte lungruala taka an thawhho thiam a ngai tih a sawi a. Fisheries Department hnuaia hmalakna turah pawh tan ho an inhuam thu he hunah hian tarlan a ni bawk.
Comments
Post a Comment
I ngaihdan i sawi hian mipui ngaihdan i tarlang a ni!