Bana Kaih sawihona nei

Zonuna Kawlni /

Nimin khan Lunglei-ah Mizoram Bana Kaih (Handholding) Scheme hnuaia hmalakna thlirhona leh hmalak zel dan tur zirhona, District Level Workshop neih a ni a, he hun hi Bawrhsap Navneet Mann-i chuan kaihruaiin Bana Kaih Phase-I chu Lunglei District-a Department, Bank leh mipui te'n an dawnsawn that thu leh progress partner mi 300 lai ziahluh an nih thu a sawi a ni. He huna tarlan a nih danin Mizoram Bana Kaih (Hand-holding) Scheme Phase-I hnuaiah Lunglei District chhungah Department 10 kaltlangin progress partner 42 hnenah loan cheng nuai 234.4 pek tawh niin, Chief Minister's Special Package hnuaiah progress partner 368 hnenah cheng nuai 288.27 pekchhuah a ni bawk a. September ni 20, 2025 atangin Phase-II hnuaiah dilna hun hawn leh mek a ni. He hunah hian Handholding CEO Lalfakzuala chuan Bana Kaih hnuaia loan pek chhuah theih hrang hrang leh thil pawimawh dang te chu kalkhawmte a zirtir a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »