MSPMC ten hmasawnna hnathawh hrang hrang enfiah

Zonuna Kawlni /

Mizoram State Project Monitoring Committee (MSPMC) Inspecting Team-te chuan tunlai hian Mizoram-a hmasawnna hnathawh hrang hrang a hmunah an enfiah mek.

Tunkar Thawhtanni atanga niminpiah thleng khan Mizoram State Project Monitoring Committee (MSPMC) Inspecting Team te hian Mizoram chhim lam leh chhimthlang lama hmasawnna hna thawh Sector hrang hranga Project 16 an endik a, heng zingah hian Hnah-thial-a District Hospital sak mek te, Lawngtlai leh Lunglei-a Solid Waste Management Centre sak mek te, Lei dawh mek leh kawngpui siam mek te, Tlabung-a Solid Waste Segregation leh Higher Secondary School Building bakah hma-lakna dang te a tel a. MSPMC Team-te'n he'ng project an endik tam zawk hi Mizoram mipui mamawhna sang tawh tak kara beisei anga hna thawh chak si lo te a ni hlawm niaa thudawn a ni.

Mizoram State Project Monitoring Committee (MSPMC) Inspecting Team te hian niminpiah khan Sairang Dinthar-a CAMPA fund hmanga hnathawh hrang hrangte an endik bawk a, Steering Committee of State Authority of CAMPA, Mizoram State thurel bawhzui a Finance Department leh Planning & Programme Implementation Department thuchhuak angin Mizoram State Project Monitoring Committee hi Mizoram State CAMPA fund hman dan endik tura ruat a ni a. MSPMC chuan Mizoram State CAMPA Fund atanga hnathawh kal mek leh sum hman dante (list of activities, utilisation of fund) te dilin a zirchiang a. Chumi hnuaia Field Inspection hmasa ber neihna atan Central Nursery, Sairang Dinthar hi thlangin, Sairang-a nauban chinna hmun siamthat hna leh Thing leh hnim chi hrang hrang chungchang sawifiahna hmun tihchangtlun leh enkawl hna thawh mek te chu enfiahin, sum hman leh hnathawh dan te uluk takin an en a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »