Damlo enkawlna 852 awm

Zonuna Kawlni /

Mizoram-ah sawrkar leh mimal hnuaia damlo enkawlna leh inentirna hmun 852 a awm a; heng zinga 161 hi Aizawl District-a mi niin a tam ber a, a tlem berna Hnahthial District-ah 37 a awm. Planning & Programme Implementation Department-in a buatsaih 'Economic Survey of Mizoram 2025-2026' in a tarlan danin, Mizoram-ah sawrkar leh mimal hnuaia damlo enkawlna/inentirna 852 a awm a; heng zinga 408 hi Sub-Centre niin a tam ber a, Clinic 322-in a dawt a ni. Aizawl District-ah damlo enkawlna/inentirna 161 awmin District Hospital pahnih, Sub-District Hospital pakhat, Community Health Centre (CHC) pali, Primary Health Centre (PHC) panga, Urban Primary Health Centre paruk, Sub-Centre 83, Tertiary Care Hospital pakhat, Clinic 42 leh Private Hospital 17 an ni. Mizoram-a damlo enkawlna leh inentirna hmun tlem berna District, Hnahthial District-ah District Hospital pakhat, PHC panga, Sub-Centre 16 leh Clinic 15 awmin, a vaiin 37 a awm a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »