Serchhip District tlawh mek
National Defence College atanga lo kal Officer rual 17 te hian Pathianni khan Aizawl rawn thlengin Aizawl-a an riah hnuah nimin khan Thenzawl an rawn thleng a, Thenzawl an thlen hnu hian Tualvungi Veng-ah Anganwadi Centre chu tlawhin Serchhip ICDS Project-a CDPO Caryl Lalpari leh a thawhpui ten lo dawngsawngin an hmalakna te a hrilhfiah bakah an inkawm nghal a. Hemi hnu hian Govt. Thenzawl High School tlawh leh nghalin Thenzawl SDEO Melody L. Betlu chuan a lo dawng-sawng a, an dinhmun te lo hrilhin zirlaite leh Zirtirtute an kawm bawk a ni.
.jpeg)
Thenzawl-ah hian Venghlun-a MV Handloom pawh tlawhin Serchhip-a District Commerce & Industries Officer hna chelh mektu leh Election Officer Lalchhanhimi chuan a lo dawngsawng ve leh bawk a, hei bakah hian Thenzawl-a Integrated Ayush Hospital pawh an tlawh bawk a, thawktute nen an inkawm nghal a, nizan khan Thenzawl Golf Course-ah Serchhip Bawrhsap Paul L. Khuma chuan zanriah buatsaih sakin an pual hian hun hman a ni bawk.
Ruahman lawk ang chuan Mizoram tlawha rawn zin National Defence College Team te hian Vawiin hian Serchhip an rawn tlawh leh dawn a, chawhma dar 10:15-ah DC Conference Hall-ah sawrkar Department Official te bakah tlawmngai pawl hrang hrang aiawhte an kawm anga, hemi hnu hian Zawlpui Phai tlawh lehin Thenzawl lam an pan zui anga, naktuk-ah Aizawl panin Sialsuk an tlawh nghal anga, PHC, Anganwadi leh School te tlawh nghalin tun thla ni 6 thleng khian Mizoram ah an cham dawn a ni.
National Defence College, New Delhi-a training lai Sipai Officer rual te hian kum 2023 khan Serchhip District hi an rawn tlawh tawh bawk a ni.
.jpeg)
.jfif)
Comments
Post a Comment
I ngaihdan i sawi hian mipui ngaihdan i tarlang a ni!