Mizoram-a North East Multi-Media Campaign (Red Fest)

Rimawi hmanga hmarchhak bial thalaite hnena HIV/AIDS darh zel tur laka invenna leh inzirtira, Red Fest chu tunkar Zirtawpni khian Aizawl Falkland-a LPS Arena-ah neih a ni dawn.

    Mizoram State AIDS Control Society (MSACS) hotute’n nimin-a Aizawl Press Club-a thuthar thehdarhtute an kawmna-ah he thu hi sawiin National AIDS Control Organization (NACO) leh MSACS bultumin tunkar Zirtawpni khian North East Multi-Media Campaign (Red Fest) chu Mizorami n a thleng dawn a. Hmarchhak State pariat - Arunachal, Assam, Meghalaya, Manipur, Mizoram, Nagaland, Sikkim leh Tripura State atanga zaimi kalkhawm ten rimawi hmangin mipui an awi dawn a, MSACS buatsaihin Mizo zaithiam hrang hrangte’n HIV/AIDS dona lam hla an sak chu tlangzarh a ni dawn bawk a ni. Red Fest-ah hian hmarchhak State hrang hrang hnam ziarang phochhuah a ni dawn a, State tin atanga State AIDS Control Society te'n HIV chungchang zirtirna hmanraw hrang hrang phochhuahna Stall an hawng bawk ang.