Skill leh Entrepreneurship hmasawnna tur sawiho

Zonuna Kawlni /

Labour, Employment, Skill Development and Entrepreneurship (LESDE) changtu Minister Lalnghinglova Hmar leh Ministry of Skill Development and Entrepreneurship-a Secretary Atul Kumar Tiwari hovin Inrinni khan Mizorama Skill leh Entrepreneurship hmasawnna tur sawiho a ni.

Aizawl Peak Restaurant-a he sawihona ah hian Mizoram-a LESDE Department hotute pawh telin LESDE Minister chuan MSDE Secretary-in Mizoram a tlawh chu lawmawm a tih thu leh hma-sawnna a thlen ngei a beisei thu a sawi a, “Kan sawmna ngai pawimawha Mizorama Skill leh Entrepreneurship lama hmasawnna tur a hmun ngeia i rawn zir hi kan lawm takzet a ni,” a ti a; Tiwari hian LESDE Minister-in a sawmna ti hlawhtlinga lo zin a nih thu a sawi ve bawk a ni.

He hunah hian Ministry of Skill Development and Entrepreneurship Secretary Atul Kumar Tiwari chuan Mizoram a thlen hnuah LESDE Department tih tak takna leh hmasawn duhna a hmuhin lawmthu a sawi a, ITI-a training neite pawh an hmanraw neihte tha tawk lo mah se thiam duhna tak tak an neia a hriat thu leh sawrkar laipui atanga puih theihna awm angte a ngaihtuah tur thu a sawi a. Sawrkar laipuiin Skill hmasawnna tura Scheme a neihte leh a kalpui mekte zirchiang turin LESDE Department thawktute chhu Delhi-a kal turin a sawm a, Ministry lamah biak tul angte a lo biakfel tur thu a sawi bawk a ni.

He inkawmna 'Discussion on State Vision and way forward' ah hian LESDE changtu Secretary Lalmalsawma Pachuau hovin an department Official-te an tel a, MSSC Secretary Henry C. Lalrawnkima leh MYC Secretary V. Lalmuanpuii bakah Indian Institute of Entrepreneurship, Guwahati atangin an hotute pawh an tel bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »